My Ewige Versorger


Die Ewige God sorg altyd vir my. Hy gee my rus in vrugbare, groen weivelde, langs strome van verfrissende water.
Hy verwyder my vrese;
Hy maak my weer heeltemal heel en lei my van harde, moeilike paaie na paaie waar waarheid en geregtigheid sy Naam laat weergalm.
Selfs in die altyd teenwoordige skuilings van die duisternis en dood, word ek nie deur vrees oorwin nie. Want in daardie donker oomblikke is Hy by my om my te beskerm en te lei. Ek is vertroos.
Hy het ‘n tafel voor my uitgestrek,
voorsiening in die middel van my vyande wat my aanval;
Hy gee om vir al my behoeftes, Hy salf my met geurige olie, en Hy vul my beker weer en weer met Sy genade.
Verseker sal Sy getroue beskerming en liefdevolle voorsiening my volg oral waar ek gaan, ja, altyd en oral. Ek sal altyd by die Ewige wees, in Sy huis vir ewig.
(Verwerking van Psalm 23).

Welgevallige offer


Wat is ‘n welgevallige offer? Ons mense is misvormd a.g.v. sonde, maar misvormde offers word wel deur God aanvaar as dit ‘n vrywillige offer is.

As vrywillige gawes mag julle wel beeste of kleinvee met misvormde liggaamsdele offer… (Levitikus 22:23.)

Dus moet elkeen vrywillig na God gaan, niemand moet gedwing word nie anders is dit nie ‘n aanvaarbare offer vir God nie. Elkeen van ons moet ons eie sonde na Hom toe neem, vrywillig en met vrymoedigheid… (Hebreërs 4:15-16)

Ons nader tot God nie slegs deur vrees, moedeloosheid, teleurstelling en berou nie, maar eintlik omdat ons Sy ontferminge ken, beleef en vertrou. Ons kan dus met vrymoedigheid tot God nader wetende dat Hy alles ten goede sal laat werk.

EK vermaan julle dan, broeders, by die ontferminge van God, dat julle jul liggame stel as ’n lewende, heilige en aan God welgevallige offer — dit is julle redelike godsdiens (Romeine 12:1 (AFR53)) .

Wat het Vergifnis ten doel?


Toning van berou is slegs ‘n gedeelte van die situasie. Die probleem is dat berou toning deur die oortreder in baie opsigte die fokus geword het. So het die hoof doel van vergifnis verlore geraak. Vergifnis het nie werklik te doen met berou of nie berou nie. Ook nie met straf of nie straf nie, want vergifnis het vryheid ten doel. Ons moet vry wees van die wêreld se hou vas op ons en dit kan slegs gebeur deur vergifnis. Ons moet tot God gebind wees en so min as moontlik ander verbindings hê, veral dit wat ons van God af weg hou.
Negatiewe emosies kan ook ‘n binding word wat jou bind tot ‘n spesifieke plek, situasie, persoon en /of tyd. Hierdie binding kan jou of na God toe dryf of jou van God af weg hou. Enige iets wat baie van jou tyd in beslag neem is mos vir jou belangrik. Indien dit jou verhouding met God of ander benadeel is dit nie goed nie. Baie negatiewe emosie word afgode omdat dit so belangrik word dat daar nie meer plek in jou lewe is vir enige iets anders nie. Jou lewe draai om en om hierdie emosies en die mense en situasies wat dit veroorsaak het. Dít verteer jou. Daar is dan niks anders vir jou oor nie net die pyn, haat, vrees of wat ook al die negatiewe emosie(s) is.
Vryheid, rus en vrede kan slegs gevind word in vergifnis, maar om te wag vir ‘n “askies” of berou sal dié afgod net groter maak.

vergifnis

Vergifnis IS onvoorwaardelik


Nog nie werklik reaksie gekry op my vraag of is vergifnis onvoorwaardelik of nie. Hierdie is wel ‘n hartroerende storie wat vir my die onvoorwaardelike uitskree:

Moedersdag… my dierbare moeder, ek het jou lief en dankie vir die wonderlike moeder wat jy vir my is! Dit is woorde wat ek nooit weer vir haar sal kan sê nie, want op Donderdag 2 Februarie 2017 is sy in haar huis in ’n sekuriteitsoord in Naboomspruit wreedaardig deur haar tuinwerker vermoor.
Ek het die Saterdag alleen van Tzaneen na Naboomspruit gery, om die moordtoneel te besoek. Magoebaskloof se mis was dig, so ook my gemoed. Hoe hanteer jy so iets? Hierdie is nie ’n preek wat ek sou maak nie… Hierdie was die harde werklikheid wat aan my hart kom ruk het. Deur die digte mis heen het ek die Here gevra: Help my, om hierdie pad soos ’n kind van U te loop.

Die Heilige Gees het my in my besluit gelei, om die pad van vergifnis te stap. Hoe seer en hoe moeilik dit ook al sou wees, want dit is die pad wat Jesus Christus my leer en voorskryf. My God gun my ’n lewe van vrede en vreugde (1 Kor 15:13) en ek gaan nie ’n valse beheerpunt in my lewe hê wat dit van my gaan wegneem nie. Niks gaan tussen my en die Here, vir wie ek so lief is, kom nie. Ek en my broer het van die begin af onderneem om ons oë op God te vestig en nie op die oortreder nie. Ons het besluit om nie saam met die oortreder in die tronk te wees nie, maar om vry te lewe. Min het ek besef, hoe God my op hierdie pad sou begelei. Die Maandag voor haar moord, het ek ’n preek oor vergifnis gemaak, wat ek presies so in my lewe kon toepas! Toevallig? Nee… toe-val-Lig!
Donderdag 22 Maart 2018 is die oortreder tot 21 jaar gevonnis, en die Lig sou weer op my val. Ek was nie gedagvaar om in die hof te getuig nie, maar was net ’n toeskouer. Toe gebeur iets wat nie gewoonlik in Suid-Afrikaanse howe gebeur nie. Die regter het my gevra of ek graag iets wil sê? Ek het opgestaan en in die getuiebank gaan staan, en die moordenaar van my geliefde moeder gevra om my in die oë te kyk. Toe kon ek vir hom sê: Wat jy aan ons gedoen het, was verskriklik en het ons harte in stukke gebreek. Maar ek dien ’n God wat van my vra om jou te vergewe, soos Hy vergewe. En dit is wat ek sal doen. Ek vergewe jou. Jy is vergewe. En ek hoop dat jy die geleentheid in die tronk sal aangryp om die Here Jesus as jou Saligmaker aan te neem, want jou aardse lewe is in effek verby. Met die aanhoor van die woorde het hy begin huil. Nadat die vonnisoplegging verby was en ek die hofsaal verlaat, het hy na my geroep en gesê: Sir, I am very sorry and will do what you have asked from me! Daarna was ek heeltemal vry en kon ek alles agter my laat.
Hierdie hele ervaring het my geloof in Jesus Christus geweldig verdiep. Ek weet net een ding, as ons doen wat God vra, is dit ’n bevrydende pad, ’n pad wat uitloop op vrede en vreugde… te midde van ongelooflike hartseer en pyn.

(deur Jan Truter)

 

vergewe

Positive Parenting Conference


Is Vergifnis Voorwaardelik Of Onvoorwaardelik?


vergewe_2

Daar was ‘n paar mense wat geskryf het oor vergifnis en die oor en weer geskrywery het ‘n interessante vraag gevra “Is vergifnis afhanklik van die berou van die oortreder?” As vergifnis onvoorwaardelik is dan is die kort antwoord, Nee. As vergifnis voorwaardelik is dan is die kort antwoord, Ja.

Dus is die korrekte vraag ‘Is Vergifnis Voorwaardelike Of Onvoorwaardelike

Rebecca Miller skryf ‘n lang verduideliking oor wat sy glo, maar waar dit op neerkom is dat as God se vergifnis onvoorwaardelik is, so ook moet ons vergifnis onvoorwaardelik wees.

Jesus se woorde aan die kruis was dat Vader God die mense moet vergewe, want hulle weet nie wat hulle doen nie. Waar is die berou, veral as die mense te onnosel was om te weet wat hulle doen?

Ons mense weet nie alles nie en ken nie alles nie en verstaan nie alles nie, tog dink ons so. Dus glo ons dat ons besluite korrek was want ons het ingeligde besluite geneem. Ons sien nooit die volle prentjie nie, behalwe as God dit aan ons openbaar. Hoe kan ons dan waag om te verwag dat vergifnis voorwaardelik moet wees. Baie van die skrywers oor hierdie onderwerp se basis van hul saak is dat ons moet vergewe soos God vergewe. Hulle beweer dat God se vergifnis soms voorwaardelik is en soms on voorwaardelik.

Wat dink jy, is dit onvoorwaardelik?

Is daar voorwaardes om God se vergifnis te kan ontvang of ervaar?

The power of Christ’s resurrection


by Charles Spurgeon.

Once more—the resurrection of Christ is operating at this present time with a quickening power on all who hear the word aright. The sun is, to the vegetable world, a great source of growth. In this month of April he goes forth with life in his beams and we see the result.

1939-powerresurrection

The buds are bursting, the trees are putting on their summer dress, the flowers are smiling and even the seeds which we buried in the earth are beginning to feel the vivifying warmth. They see not the Lord of day but they feel his smile. Over what an enormous territory is the returning sun continually operating! How potent are his forces when he crosses the line and lengthens the day!

Such is the risen Christ. In the grave he was like the sun in his winter solstice but he crossed the line in his resurrection. He has brought us all the hopes of spring and is bringing us the joys of summer. He is quickening many at this hour and will yet quicken myriads. This is the power with which the missionary goes forth to sow; this is the power in which the preacher at home continues to scatter the seed. The risen Christ is the great producer of harvests. By the power of his resurrection men are raised from their death in sin to eternal life.

***

Charles Spurgeon delivered this message on Sunday April 21, 1889 at the Metropolitan Tabernacle, Newington, London.

The Life-Giver

%d bloggers like this: