Volkome vervulling


Goeiemore julle,

Ek en Hein het gister ‘n bietjie gesels oor wat ons graag wil hê in ons lewens. Hy het gesê: “…ek het hierdie week besef dat mens net kan gee wat in jou hart is… en dit wat uit die hart kom moet lewe bring… Ek wil soms dinge op my manier hê maar dit kom nie altyd uit die lewens bron van die hart nie…”

Daar is so baie wat ons ons voor afsloof, maar so min daarvan wat werklik vervulling bring. Die mens is geskape met sekere behoeftes, soos liefde, aanvaarding, erkenning en sekuriteit. Hierdie behoeftes van ons kan slegs deur Een bevredig word, maar ons wil dit nie altyd erken nie en gaan soek dus bevrediging by mense, dinge en plekke wat eintlik ‘n groter gat in ons lewens bring as wat dit ons vervul.

Jesaja 55 verduidelik dit vir my die beste. Ons afhanklikheid van God en ons enigste bron om goed te kan doen…

o Almal wat dors het, kom na die waters; en wie geen geld het nie, kom, koop en eet; ja, kom, koop sonder geld en sonder prys, wyn en melk! Waarom weeg julle geld af vir wat geen brood is nie, en julle arbeid vir wat nie kan versadig nie? Luister aandagtig na My en eet die goeie, en laat julle siel hom in vettigheid verlustig. Neig julle oor en kom na My toe, luister, en julle siel sal lewe; Ek wil met julle ‘n ewige verbond sluit: die bestendige genadebewyse van Dawid. Kyk, Ek het hom tot ‘n getuie van die volke gemaak, tot ‘n vors en ‘n gebieder van die nasies. Kyk, nasies wat jy nie geken het nie, sal jy roep; en nasies wat jou nie geken het nie, sal na jou hardloop, ter wille van die HERE jou God en van die Heilige van Israel, omdat Hy jou verheerlik het.

Soek die HERE terwyl Hy nog te vinde is; roep Hom aan terwyl Hy naby is. Laat die goddelose sy weg verlaat en die kwaaddoener sy gedagtes; en laat hy hom tot die HERE bekeer, dan sal Hy hom barmhartig wees; en tot onse God, want Hy vergeef menigvuldiglik.

Want my gedagtes is nie julle gedagtes nie, en julle weë is nie my weë nie, spreek die HERE. Want soos die hemel hoër is as die aarde, so is my weë hoër as julle weë en my gedagtes as julle gedagtes. Want soos die reën en die sneeu van die hemel neerdaal en daarheen nie terugkeer nie, maar die aarde deurvogtig en maak dat dit voortbring en uitspruit en saad gee aan die saaier en brood aan die eter; so sal my woord wees wat uit my mond uitgaan: dit sal nie leeg na My terugkeer nie, maar doen wat My behaag en voorspoedig wees in alles waartoe Ek dit stuur. Want met vreugde sal julle uittrek en met vrede gelei word; die berge en heuwels sal voor julle in gejubel uitbreek, en al die bome van die veld in die hande klap. Vir ‘n doringboom sal ‘n sipres opgaan; vir ‘n distel sal ‘n mirteboom opgaan; en dit sal vir die HERE wees tot ‘n naam, tot ‘n ewige teken wat nie uitgeroei sal word nie.

(Jesaja 55:1-13.)

Dus waarvoor ons ons eintlik moet bearbei is om na die Woord van God te luister en daarvolgens te handel. Dit is ook die enigste werklike en volkome bevrediging wat ons ooit sal kan bekom. Want Sy Woord sal in ons tot stand bring wat God van die begin van tyd in ons geplaas het… Dit laat my dink aan “God joined two people together“.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s