Die Lewegewer

Tydperk: 21 dae
Tipe vas: ‘n Daniëls vas; normale eet-tye:

• Kos: Groente/vrugte/neute/bone/water
• (Koffie/tee is opsioneel)
• Geen vleis of suiwel produkte nie.

Waarvoor vas en bid ons?
Om die krag van gebed te “harnas”.
“Harnas” beteken om te bind; om op te koppel; om te beheer; om saam gejuk te word; om saam gebind te word.

Wanneer ons bid vra ons die Heilige Gees om langs ons in te kom, sodat ons onsself met Hom kan koppel. Rom. 8:26-27. Met Sy “dunamis” (dinamiese krag) kan ons die oorwinnings behaal in elke situasie wat ons in geloof voor staan.

Gebed bring “fellowship” met die Vader tot ‘n nuwe vlak van intimiteit in die gelowige se lewe en dit bring die gelowige in ‘n nuwe opwindende wandel met die Here. Louheid verdwyn en jou hart word weer brandend vir die Here en Sy Koninkryk. Open. 3:15-16.

Voorgestelde gebeds-tye:

• Oggende (al is dit net vir 5 min.; indien moontlik 1 uur) Hand. 3:1
• Middae (etenstye; 5 – 25 min.). Alleen of met jou personeel of enige personeellid.
• Aande (5 min. – 1 uur) Alleen of saam met jou familie.

NB! Niks is wetties nie – onthou gebed vloei uit verhouding uit.
Wees ingestel op die Heilige Gees om gedurig te kan bid. Ef. 6:18

Die krag van jou gebedslewe word bepaal deur:

• Die wyse waarop jy tot die Here nader.
• Jou aanvaarding van Sy Woord.
• Jou toepassing van Sy Woord.

Toenadering:

• In nederige afhanklikheid.
• Met ‘n voorbereide hart wat eerlik en deursigtig voor die Here is.Met die hulp van die Heilige Gees moet jy areas van negatiwiteit, doodspraak, kritiek, aanstoot, bitterheid, onvergifnis, ens. identifiseer en bely.
• Neem ‘n oomblik om die Here te dank vir Sy liefde en trou; dankbaarheid begin met die wete dat jy aan Hom behoort. Dankbaarheid en lof gaan hand aan hand en daaruit vloei aanbidding (worship: worth-ship).
• Nou is die grond van jou hart oop vir inspraak en gebed.

NB! Jou vlees en jou denke gaan jou ‘n harde tyd gee, maar onthou dat dit in Sy krag is wat ons oorwin. Sag. 4:6

Onthou ons bid vir:
“Insig van die tye” om te weet wat ons/jy moet doen, soos Israel.
1 Kron. 12:32.

Die Here is en bly die “Goeie en Getroue Herder” en Hy wil ons deur die “donker tye” lei en al is dit nag om ons, is daar in die Here ‘n plek van beskerming en voorsiening.

Voorgestelde areas van gebed:

• Die finansiële situasie in Suid-Afrika en in die wêreld. Die twee is aan mekaar gekoppel (onthou jou finansiële situasie en verpligtinge is ook aan die land se finansiële situasie gekoppel).
• Die politieke situasie in Suid Afrika.
• Werkloosheid.
• Zimbabwe.
• Die Israeli en Palestynse konflik.
• Kriminele en terroriste aktiwiteite.
• Die redding van siele en die vestiging van ‘n omgee-sel en dissipelskapgroepe. Jy groei as jy uitgee.

NB! Die Here se vraag aan ons is baie eenvoudig:

KAN ‘n NASIE NA DIE HERE TERUGKEER?

As jy “JA” sê, dan moet jy die Here vra wat jou aandeel gaan wees.

Geliefdes in die Here! Saam sien ons uit na ‘n baie vrugbare tyd met wonderlike deurbrake op elke moontlike gebied in 2009.

Hou ‘n daaglikse dagboek van wat jy van die Here hoor en ervaar en leef dan in die seën daarvan.

Kom deel gerus met ons dit wat jy van die Here ontvang het.

Filed under: GEBEDE,KIND VAN GOD,KONINKRYK,LEWE